Kurudisha Upendo na Faraja kwa Watoto Wanaoishi Katika Mazingira Magumu

Tarehe 13.02.2026, EYA iliweza kuwagusa watoto wanaoishi katika mazingira magumu kwa kuwapatia upendo, faraja na muda wa kuwa nao.

Ilikuwa si tu ziara ya kawaida, bali ilikuwa ni siku ya kuwakumbusha watoto hawa kwamba hawako peke yao. Kupitia mazungumzo, michezo, zawadi ndogo na muda wa pamoja, tuliweza kuona tabasamu zikirejea kwenye nyuso zao.

Watoto hawa wanakabiliwa na changamoto nyingi, lakini wanabeba ndoto kubwa na matumaini ya kesho bora. Kama EYA, tunaamini kuwa kurudisha upendo ni hatua ya kwanza ya kujenga imani, kuimarisha afya ya akili, na kuwapa nguvu ya kuamini katika thamani yao.

Tunaendelea kujitoa kuhakikisha kwamba watoto wanaoishi katika mazingira magumu wanapata msaada, ulinzi na fursa ya kuishi maisha yenye heshima na matumaini.

Be Different, Be Brave, Be You!